.png){kind=small}
Umeldung Krautgaart Geméiskuerf 2023
Ab elo kanns du dech hei fir d'Saison 2023 umelden.
De Krautgaart SoliBa, d'Kuerzform fir eisen solidareschen Bäitrag, gëtt dir als Member vum Krautgaart Geméiskuerf d’Méiglechkeet no dengen Mëttelen iwwert däin Bäitrag ze entscheeden. Mat der Héicht vum duerchschnëttlechen SoliBa veränneren sech virun allem d'Salairen vun den Krautgaartler. Parallel ginn eis aner Dieren op, wéi eisen Service weider ze verbesseren an Leit auszebilden.
Wiel ënnendrënner dee Bäitrag deen dech usprécht. Du kanns an bis zu 6 Tranche bezuelen.
SoliBa 1100€
Du entscheets bewosst, méi ewéi de Mindestbäitrag ze bezuelen. Du gëss domat eng bedeitend Stëmm of, fir eng Zukunft mat méi lokaler Direktvermaartung an regenerativer Landwirtschaft. Eng besser Zukunft fir di lokal Landwirtschaft fänkt mat besseren Salairen fir d'Mënschen um Terrain un. Mir freeën eis iwwert netto Salairen tëschent 2300€ an 2400€.
SoliBa 1500€
An der Zukunft ukomm! Däin Bäitrag erméiglecht Salairen déi der herausfuedernder Aarbecht vum Geméisubau gerecht ginn. D(e) Geméisgärtner(in) brauch sech definitiv net méi ze verstoppen mat sengem Verdéngst. Mat dëser Aussicht, trauen erëm méi jonk Mënschen sech, hiren Dram vun der Landbewirtschaftung ëmzesetzen. Mir maachen en dräifachen Salto an freeën eis iwwert netto Salairen tëschent 2700 an 2800€.
D'Basis vum SoliBa
Den Diagramm weißt d'Käschtenverdeelung vun der Krautgaart Geméisproduktioun 2019*. Op dëser Basis rechnen mir de Mindest-SoliBa aus. De Mindest-SoliBa ass deen Betrag deen wéinstens muss bezuelt ginn fir all Produktiounskäschten ze decken an den qualifizéierten Mindestloun un Krautgaartler ze bezuelen.
*Esoubal wéi mer Zuelen vun 2021 fäerdeg ausgewäert hunn aktualiséieren mer de Grafik.
